20.04.2026 | 09:48
Արտարժույթների փոխարժեքները՝ ապրիլի 20-ի դրությամբ
Կոկորդիլոսը չունի ստամոքս, ունի քարաճիկ, ինչ-որ ժամանակ նրանք թռել են. Գարիկ Սարգսյան. ՏԵՍԱՆՅՈՒԹ
Հասարակություն
12.06.2019 | 13:48
Արարատի մարզում կոկորդիլոս բուծելու և զուգահեռ էկոայգի կառուցելու ներդրումային ծրագիրը չի չեղարկվել։ Խորհրդարանում լրագրողների հետ զրույցում ասաց Արարատի մարզպետ Գարիկ Սարգսյանը։
Մարզպետը պնդեց, որ ամեն ինչ կանեն՝ ներդրումային ծրագիրը կյանքի կոչելու համար։ «Ես սնահավատ չեմ, բայց այդ ծրագրին «աչքով տվողներ» կարող են լինել։ Կարող եք հարցերՆ ուղղել ներդրողին»,- նշեց մարզպետը՝ հայտնելով, որ ծրագիրը կյանքի չի կոչվել, քանի որ հատուկ ընթացակարգեր կան՝ կապված հողի փորձաքննության և այլնի հետ։
«Մի քանի բաղադրիչների մասին է խոսքը, պարզապես ծրագիրը հայտնի է որպես «կոկորդիլոսաբուծարան», բայց դա էկոայգի է լինելու՝ ալիքային լողավազանով, հեծանվահրապարակով, մանկական խաղահրապարակով, արագ սննդի կետերով, ռեստորաններով»,- շարունակեց Սարգսյանը։
Մանրամասները՝ տեսանյութում։
Շողիկ Գալստյան
