13.08.2026 | 11:23
Ռուսական ուժերն Օդեսայի մարզում ուղևորատար գնացքի են հարվածել․ 2 զոհ կա
Դատավոր Արմեն Դանիելյանը մերժեց Քոչարյանի պաշտպանի միջնորդությունը նիստը հետաձգելու վերաբերյալ
Հասարակություն
12.06.2019 | 12:48
Վերաքննիչ քրեական դատարանում՝ նախագահությամբ Արմեն Դանիելյանի, մեկնարկեց ՀՀ երկրորդ նախագահ Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի գործով Գլխավոր դատախազության, ինչպես նաև տուժողների իրավահաջորդների ներկայացուցիչների բողոքների քննությունը:
Դատարանի դահլիճում ներկա էր ինչպես երկրորդ նախագահ Ռոբերտ Քոչարյանը, այնպես էլ ՀՀ գլխավոր դատախազ Արթուր Դավթյանը:
Քոչարյանի պաշտպաններից Հովհաննես Խուդոյանը դատարան գրություն էր ուղարկել՝ միջնորդելով հետաձգել դատական նիստը, քանի որ ինքը գտնվում է կարճատև արձակուրդում: Խուդոյանը նշել էր, որ դատարանը քննության է առնելու իր՝ նախկինում արված միջնորդությունը քրեական գործը կասեցնելու վերաբերյալ և որ իր ներկայությունը պարտադիր է:
Պաշտպանական կողմը միացավ Խուդոյանի միջնորդությանը: Մինչդեռ մեղադրող կողմն առարկեց՝ ասելով, որ Խուդոյանը Քոչարյանի միակ պաշտպանը չէ և նրա բացակայությունը չի կարող խոչընդոտ հանդիսանալ նիստի ընթացքի համար: Դատավոր Արմեն Դանիելյանը մերժեց Խուդոյանի միջնորդությունը:
Նիստը շարունակվում է:
Լիլիթ Շաբոյան
