21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
Մանվել Գրիգորյանն ինձ 22 օր պահել է պադվալներում, խոշտանգել․ ազատամարտիկը գրություն է ուղարկել դատարան
Հասարակություն
11.06.2019 | 13:54
ԱԺ նախկին պատգամավոր, գեներալ Մանվել Գրիգորյանի և նրա կնոջ՝ Նազիկ Ամիրյանի գործով այսօր դատարան էր ներկայացվել «Սևան» ՔԿՀ-ի դատապարտյալ Աշոտ Իսախանյանի գրությունը։
Այդ գրությամբ Իսախանյանը հայտնում է, որ Մանվել Գրիգորյանն իրեն խոշտանգել է․ «Հարգարժան դատարան, Մանվել Գրիգորյանի գործով հանդիսանում եմ տուժող, Գրիգորյանը ինձ 22 օր պահել է պադվալներում, խոշտանգել է ու սպառնացել: Հայտնում եմ, որ ես չեմ ստացել իմ մասով մեղադրական եզրակացությունը, եւ չգիտեմ` ինչու դատակոչի ցուցկում չկամ: Հարգելի դատարան, խնդրում եմ ինձ ներգրավվել դատակոչի ենթակա անձ տուժող: Խնդրում եմ որպես քաղհայց հօգուտ ինձ Մանվել Գրիգորյանից բռնագանձեք 5 միլիոն դոլարին համարժեք դրամ ամբողջ կյանքս կործանելու համար»։
Տեղեկացնենք, որ Իսախանյանն այն անձն է, ում շղթայված լուսանկարները վերջերս տարածվել էին համացանցում։ Ազատամարտիկի խոսքով՝ Մանվել Գրիգորյանը շուրջ 22 օր իրեն շղթայակապ է պահել ու խոշտանգել: Դատավոր Մնացական Մարտիրոսյանը ասաց, որ դատարանը պատրաստվում է գրավոր պատասխան ուղարկել Իսաանյանին այն մասին, որ իրեն առնչվող մասով մեղադրանք չկա: Իսկ մեղադրող դատախազն էլ հավելեց, որ Իսախանյանի մասով ժամանակին հաղորդում է ստացվել, և այդ մասով հարուցված քրեական գործը նախաքննության փուլում է:
Լիլիթ Շաբոյան
