15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Ապրիլյան պատերազմի հանգամանքներն ուսումնասիրող ո՛չ քննիչ հանձնաժողով և ո՛չ էլ ժամանակավոր հանձնաժողով չի կարող ձևավորվել. Գևորգ Դանիելյան
Հասարակություն
11.06.2019 | 13:10
Արդարադատության նախկին նախարար, Բարձրագույն դատական խորհրդի նախագահի ժամանակավոր պաշտոնակատարի պաշտոնից հրաժարական տված Գևորգ Դանիելյանը ֆեյսբուքյան ուշագրավ գրառում է կատարել:
«Ապրիլյան պատերազմի հանգամանքներն ուսումնասիրող ոչ քննիչ հանձնաժողով և ոչ էլ ժամանակավոր հանձնաժողով չի կարող ձևավորվել. «Պաշտպանության և անվտանգության բնագավառներում քննիչ հանձնաժողովի լիազորություններ կարող է իրականացնել ՄԻԱՅՆ Ազգային ժողովի իրավասու մշտական հանձնաժողովը` պատգամավորների ընդհանուր թվի առնվազն մեկ երրորդի պահանջով» (Սահմանադրության 108-րդ հոդվածի 4-րդ մաս) …»,- գրել է նա:
Մինչդեռ նշենք, որ մայիսի 31-ին Ազգային ժողովի 47 պատգամավորների պահանջով՝ ԱԺ կանոնակարգ օրենքի 20-րդ հոդվածի 2-րդ մասի համաձայն՝ իրավունքի ուժով ստեղծվել է քննիչ հանձնաժողով 2016 թվականին ծավալված ռազմական գործողությունների հանգամանքներն ուսումնասիրելու նպատակով։ Այս մասին ԱԺ-ում հայտարարել էր խորհրդարանի նախագահ Արարատ Միզրոյանը։ «Քննիչ հանձնաժողովի լիազորությունները կիրականացնի ԱԺ պաշտպանության և անվտանգության հարցերի մշտական հանձնաժողովը»,- ասել էր Արարատ Միրզոյանը։
