07.10.2026 | 23:48
Արթուր Դանիելյանը կալանավորվեց
Մարտի 1-ի գործով սպանության համար Գեղամ Պետրոսյանին կալանավորելու որոշումը կբողոքարկեն․ նրա դեմ ցուցմունք է տվել Ոստիկանության սպա
Հասարակություն
07.06.2019 | 16:21
Երեկ դատարանի որոշմամբ կալանավորվեց ոստիկանության զորքերի հրամանատարի նախկին տեղակալ, շտաբի պետ Գեղամ Պետրոսյանը։ Նա մեղադրվում է Մարտի 1-ի արյունալի իրադարձությունների ժամանակ Զաքար Հովհաննիսյանի սպանության համար։
Պետրոսյանի պաշտպան Վաղարշակ Գևորգյանը Factor.am-ին ասաց, որ պատրաստվում են բողոքարկել կալանավորման որոշումը։ Երեկ Գևորգյանը լրագրողներին ասել էր, որ գործում վկաներից մեկը պատմել է, թե 2008-ի մարտյան իրադարձությունների ժամանակ ցուցարարը՝ այսինքն՝ մահացած Զաքար Հովհաննիսյանը, հարձակվել է Գեղամ Պետրոսյանի վրա․ «Վկան ցուցմունք է տալիս, ու ասում է՝ «ես տեսա՝ ուզում էր խփեր գլխին, էդ պահին կա՛մ նա պիտի խփեր նա մահանար, կա՛մ սա պիտի կրակեր»։
Պաշտպանական կողմը հրաժարվում է հայտնել Պետրոսյանի դեմ ցուցմունք տված անձի անունը։ Factor.am-ի տեղեկություններով, սակայն, ոստիկանության զորքերի հրամանատարի նախկին տեղակալի դեմ ցուցմունք տված անձը եղել է ոստիկանության սպա։
Լիլիթ Շաբոյան
