20.04.2026 | 13:10
Իսրայելի ԱԳ նախարարը Լիբանանում իսրայելցի զինվորի կողմից Քրիստոսի արձանի վնասումն «ամոթալի» է անվանել
«Հերի՛ք է շոու անեն, խաղան ժողովրդի հետ». իրավապաշտպանը՝ Փաշինյանի հայտարարության մասին. ՏԵՍԱՆՅՈՒԹ
Հասարակություն
07.06.2019 | 11:11
Ի՞նչ է նշանակում Կառավարության նիստի ժամանակ, պետական լուրջ հարցերը թողած, զբաղվել մեկ-երկու կառույցի հարցերով: Այսօր «Բռնության և ատելության կոչերը սոցիալական ցանցերից՝ իրականություն. հետևանքները և իրավական գնահատականներ» թեմայով քննարկման ժամանակ այս մասին ասաց իրավապաշտպան Նինա Կարապետյանցը։
Անդրադառնալով վարչապետ Փաշինյանի երեկվա հայտարարությանը՝ իրավապաշտպանը նշեց. «Սևազգեստ մարդիկ եղել են նախկինում։ Նախորդ հանցավոր ռեժիմների ժամանակ դա շատ ընդունված տարբերակ է եղել։ Նման հայտարարություն անելու համար վարչապետը պիտի ունենար հարյուր կամ հազար տոկոսով ստուգված ինֆորմացիա: Եթե դա ստուգված էր, ապա իրավապահ մարմինները պարտավոր էին արձագանքել»:
Կարապետյանցի խոսքով՝ նման հայտարարությունները ժողովրդի մեջ անհանգստություն են մտցնում։
«Հերիք է շոու անեն, խաղան մարդկանց նյարդերի հետ ու տպավորություն ստեղծեն, թե գործ են անում։ Հերի՛ք է, չի կարելի։ Ես լուրջ կասկածներ ունեմ՝ առհասարակ ո՞ւմ են ծառայում Ոստիկանությունն ու ԱԱԾ-ն: Ամեն մեկն իր գործով պետք է զբաղվի»,- ասաց իրավապաշտպանը։
Մանրամասները՝ տեսանյութում:
Նելլի Մելքոնյան
