20.04.2026 | 09:48
Արտարժույթների փոխարժեքները՝ ապրիլի 20-ի դրությամբ
Ինչո՞ւ են առգրավվել Ռոբերտ Քոչարյանի 2 անձնագրերը, որսորդական հրացաններն ու 27 հազար դոլարը․ մեկնաբանում է դատախազը. ՏԵՍԱՆՅՈՒԹ
Հասարակություն
06.06.2019 | 17:54
ՀՀ երկրորդ նախագահ Ռոբերտ Քոչարյանի գույքի վրա դրված կալանքի հարցով դատական նիստին նախագահող դատավոր Մարինե Մելքոնյանը դատախազ Վահե Դոլմազյանից հետաքրքրվեց, թե ինչու են առգրավվել Քոչարյանի երկու անձնագրերն ու նույնականացման քարտը:
«Փաստաթղթերի առգրավումը իրավաչափ գործողություն է։ Նույնականացման քարտը նաև անձը հաստատող փաստաթուղթ է, դրանով պայմանավորված քննիչի կողմից այդ փաստաթղթերի առգրավումը իրավաչափ եմ համարում»,- ասաց դատախազը։
Դատարանը նաև հետաքրքրվեց, թե ինչով է պայմանավորված եղել 27 հազար ԱՄՆ դոլարի առգրավումը, որը պատկանում է այլ անձի․ «Խուզարկությունը կատարվել է Քոչարյանի գրասենյակում և հայտնաբերված առարկաները, քանի որ անվանական չեն, մենք գտել ենք, որ այն պատկանում է Ռոբերտ Քոչարյանին»։
Դատավորի դիտարկմանը, թե ինչ նպատակով է այդ գումարը առգրավվել Դոլմազյանը պատասխանեց, որ դա ևս գույք է համարվում, իսկ գույքի վրա եղել է կալանք կիրառելու որոշում ու հենց այդ համատեքստում է եղել առգրավումը։
Մանրամասները՝ տեսանյութում։
Լիլիթ Շաբոյան
