02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Քոչարյանի գույքի վրա դրված կալանքի հարցով դատարանը հեռացավ որոշում կայացնելու
Հասարակություն
06.06.2019 | 16:43
Երևանի ընդհանուր իրավասության դատարանը դատավոր Մարինե Մելքոնյանի նախագահությամբ շարունակում է քննել ՀՀ երկրորդ նախագահ Ռոբերտ Քոչարյանի գույքի վրա դրված կալանքի վերաբերյալ պաշտպանական խմբի բողոքը:
Այսօրվա դատական նիստին Քոչարյանի պաշտպան Հովհաննես Խուդոյանը դատարանին ներկայացրեց ՀՀ նախկին փոխվարչապետ Արմեն Գևորգյանի գույքի վրա դրված կալանքի վերաբերյալ դատարանի որոշումն առ այն, որ դատարանն այստեղ իրավունքի խախտում է գրանցել:
Խուդոյանը դատարանում պնդեց, որ Քոչարյանի գույքի վրա կալանք դրվել է այն ժամանակ, երբ նրան առաջադրվել էր միայն մեկ` Սահմանադրական կարգը տապալելու մեղադրանք, իսկ սույն մեղադրանքը չի ենթադրում գույքի արգելանք: Խուդոյանն ասաց, սա նույնն է, թե անձին անհիմն կալանավորեն, հետո որևէ հանցանք գործի ու փորձեն ասել, թե կալանքը հիմնավոր է:
Դատախազ Վահե Դոլմազյանն ասաց, որ Դատախազությունը շարունակում է մնալ նույն կարծիքին, որ գույքի վրա դրված կալանքը հիմնավոր է:
Դատարանը կողմերին լսելուց հետո հեռացավ խորհրդակցական սենյակ որոշում կայացնելու, որը կհրապարակվի վաղը` 12:20-ին:
Լիլիթ Շաբոյան
