02.07.2026 | 13:29
Շվեդիայում ՌԴ դեսպանատունն ԱԹՍ-ների հարձակման է ենթարկվել
Սյունիքի մարզի Կապան քաղաքի Բաղաբուրջ թաղամասի սկզբնամասում սողանք է ակտիվացել
Հասարակություն
06.06.2019 | 14:52
Հունիսի 6-ին, ժամը 09:43-ին «911» ծառայությանն ահազանգ է ստացվել, որ Սյունիքի մարզի Կապան քաղաքի Բաղաբուրջ թաղամասի սկզբնամասում՝ ավտոճանապարհի մոտակայքում, ակտիվացել է սողանք:
Դեպքի վայր է մեկնել ԱԻՆ ՓԾ մարզային փրկարարական վարչության օպերատիվ խումբը:
Պարզվել է, որ Բաղաբուրջ թաղամասի Ազատամարտիկների փողոցում տեղի է ունեցել ճանապարհահատվածի փլուզում, ինչի հետևանքով առաջացել է փոս (երկարություն՝ 3 մ, լայնություն՝ 0,7 մ խորություն՝ 1,2 մ):
Փրկարարները սահմանազատել են վտանգավոր տարածքը:
