14.12.2025 | 18:20
Թաիլանդն ու Կամբոջան շարունակում են ռազմական գործողությունները
Ինչի ասես՝ ենթարկվել ենք, վեթինգն ի՞նչ է, որ չենթարկվենք. Ֆելիքս Ցոլակյան. ՏԵՍԱՆՅՈՒԹ
Քաղաքականություն
05.06.2019 | 17:01
ՀՀ արտակարգ իրավիճակների նախարար Ֆելիքս Ցոլակյանն այսօր խորհրդարանում լրագրողների հետ զրույցում հայտարարեց՝ դատական համակարգը բարեփոխելու իշխանության ընտրած ճանապարհն օգուտ կտա։
«Էս ճանապարհը, որով գնում են, հավանաբար օգուտ կտա»,- ասաց Ցոլակյանը։ Հարցին՝ ինքն, օրինակ, պատրա՞ստ է վեթինգի ենթարկվել, Ցոլակյանն արձագանքեց, «Ինչի ասես՝ ենթարկվել եմ, վեթինգի էղածն ի՞նչ ա, որ չենթարկվեմ»:
Ինչ վերաբերում է ԱԻՆ-ը որպես առանձին նախարարություն թողնելուն, ապա նախարարը շեշտեց՝ հակառակն էլ անեին, դեմ չէր լինի։
«100 անգամ կրկնել եմ, էլի կկրկնեմ: Ես ոչ մեկին անձնապես ծառայություն չեմ մատուցել: Իսկ ինչ վերաբերում է նախարարության լինել-չլինելուն, միանալ-չմիանալուն, ասել եմ ու էլի կասեմ՝ ԱԻՆ-ը հումանիտար կառույց է, հումանիտար գործառույթներ է իրականացնում: Ոստիկանությունն ունի պատժիչ գործունեություն: Ես նախարարն եմ, ինչ էլ ասեմ՝ կասեք սուբյեկտիվ է ասում, բայց հանգիստ եղեք, եթե ԱԻՆ-ը որոշեն միացնել ուրիշ նախարարության, ես դեմ չեմ լինի ընդհանրապես»,- շարունակեց Ցոլակյանը։
Մանրամասները՝ տեսանյութում։
Շողիկ Գալստյան
