07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Պաշտպանի աջակցությամբ լուծվել է մաքսային ծառայությունում գործարարի խնդիրը
Հասարակություն
05.06.2019 | 18:03
ՄԻՊ-ից տեղեկացնում են, որ գործարարը խնդրել է Մարդու իրավունքների պաշտպանի աջակցությունը ՊԵԿ-ի մաքսային ծառայությունում առաջացած խնդրի լուծմանն աջակցելու նպատակով։
«Բողոք ներկայացրած անձի տեղեկացմամբ՝ Թուրքիայից Հայաստան է ներմուծել ապրանքներ, հայտարարագրել և իրականացրել է համապատասխան վճարումները, սակայն Պետական եկամուտների կոմիտեի մաքսային ծառայության աշխատակիցները ներմուծված ապրանքը զննելիս հայտնաբերել են ապրանք, որը հայտարարագրում նշված չի եղել։
Ըստ գործարարի՝ ինքն առաջարկել է կազմել արձանագրություն, կատարել վերաձևակերպում և ապրանքը հանձնել իրեն, սակայն Մաքսային ծառայության մարմինների կողմից վերաձևակերպում չի իրականացվել և ապրանքը օրեր շարունակ գործարարին չի հանձնվել։
Քաղաքացու պնդմամբ՝ մաքսազերծված ապրանքը մաքսային պահեստում գտնվելու յուրաքանչյուր օրվա համար իրեն պատճառվել է նյութական վնաս։
Պաշտպանի նախաձեռնած վարույթի շրջանակում գործարարը ներկայացրել է ճշգրիտ տվյալներով նոր ապրանքային հայտարարագիր, և հայտարարագրված ապրանքները տրամադրել են նրան»,- ասված է հաղորդագրությունում:
