02.09.2026 | 22:49
Հարսանիքի ժամանակ տունը թալանել են․ բացահայտվել է բնակարանային 6 գողություն
ԱԱԾ-ից անհետացած փաստաթղթերի հարցով քրեական գործ չի հարուցվել. Արթուր Վանեցյան. ՏԵՍԱՆՅՈՒԹ
Հասարակություն
05.06.2019 | 15:41
ԱԱԾ տնօրեն Արթուր Վանեցյանը վստահեցնում է՝ ամեն ինչ անելու են՝ Մարտի 1-ի գործն ամբողջությամբ բացահայտելու համար։ «Քրեական գործը Հատուկ քննչական ծառայության վարույթում է, ՀՔԾ-ն երեկ տարածել է համապատասխան հաղորդագրություն, որից առավել բան ես ասել չեմ կարող։ Բայց հավաստիացնում եմ՝ ՀՔԾ-ն ու ԱԱԾ-ն, միմյանց հետ համագործակցելով, իրականացնում են ամեն ինչ, որ բացահայտեն Մարտի 1-ի գործն ամբողջությամբ», – այսօր խորհրդարանում լրագրողների հետ զրույցում հայտարարեց ԱԱԾ տնօրենը՝ անդրադառնալով Մարտի 1-ի գործով սպանության կասկածանքով առաջին ձերբակալվածին։
Մեր հարցին՝ կստացվի՞ տասը սպանություններն էլ բացահայտել, Վանեցյանն ասաց՝ կանխատեսումներով չի կարող զբաղվել. կլինեն փաստեր ու բացահայտումներ, որի մասին հանրությունը կտեղեկացվի։
Ինչ վերաբերում է ԱԱԾ-ից անհետացած նյութերին և դրանց առնչությանը Մարտի 1-ին, ԱԱԾ տնօրենը պատասխանեց. «Քրեական գործ չի հարուցվել, որովհետև դա յուրահատկություններ պարունակող գործ է, որը պետք է ամբողջությամբ բացահայտվի, որպեսզի որևէ կասկած որևէ մեկի մոտ չմնա, որ մենք փորձել ենք կոծկել այդ փաստաթղթերի անհետացումը կամ այդ փաստաթղթերի անհետացման հետ կապված ինչ-ինչ գործեր չեն բացահայտվի»:
Մանրամասները՝ տեսանյութում:
Շողիկ Գալստյան
