16.05.2026 | 18:39
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Մենք մի մասով վստահում ենք իրավապահներին, մի մասով` ոչ. Տարոն Սիմոնյան. ՏԵՍԱՆՅՈՒԹ
Քաղաքականություն
05.06.2019 | 15:28
«Լուսավոր Հայաստանը» որևէ կերպ չի մեկնաբանի Ոստիկանության զորքերի շտաբի նախկին պետ Գեղամ Պետրոսյանին առաջադրված մեղադրանքը և ձերբակալությունը: Հիշեցնենք, որ Գեղամ Պետրոսյանին առաջադրվել է Մարտի 1-ի զոհ Զաքար Հովհաննիսյանի սպանությունն իրականացնելու մեղադրանք:
«Այն անձինք, որոնք իրականում նման արարքներ կատարել են և առկա է բավարար ապացուցողական զանգված, որ նրանց մեղքն ինչ-որ առիթով ապացուցվում է, այդ անձինք, բնականաբար, պետք է ներգրավվեն գործում որպես մեղադրյալ, հետագայում՝ նաև ամբաստանյալ, եթե դատարանը որոշի, որ նրանք կատարել են նման հանցագործություն, ապա նրանք պետք է դատապարտվեն օրենքի տառին համապատասխան»,- ասաց ԱԺ ԼՀԿ խմբակցության անդամ Տարոն Սիմոնյանը։
Տարոն Սիմոնյանը համոզված է, որ այդ օրերին իրավապահ համակարգում աշխատած գրեթե բոլոր բարձրաստիճան պաշտոնատար անձինք պետք է ներգրավեն գործում այս կամ այն կարգավիճակով. «Կարծում եմ՝ նրանք պետք է ունենան այնպիսի տեղեկատվություն, որն օգտակար կլինի գործի անաչառ և բազմակողմանի լուծմանը»։
Անդրադառնալով քննչական մարմինների հանդեպ ընդդիմության վստահությանը, պարոն Սիմոնյանն ասաց. «Մենք մի մասով վստահում ենք իրավապահներին, մի մասով՝ ոչ։ Ինչպիսին հանրության վստահությունն է իրավապահ համակարգի նկատմամբ, մենք էլ այդ հանրության մի մասն ենք»:
Մանրամասները՝ տեսանյութում:
