ԼՀԿ-ն վերապահում ունի ապրիլյան պատերազմի հարցով՝ ԱԺ քննիչ հանձնաժողովի նախագահի հետ կապված. ՏԵՍԱՆՅՈՒԹ

Ապրիլյան պատերազմի առաջին օրերից մինչ օրս հարցեր կան, որոնք, ըստ ԱԺ ԼՀԿ խմբակցության անդամ Գևորգ Գորգիսյանի, մինչև հիմա հասարակությանը հուզում են։ Այդ հարցերի անպատասխան մնալը, պարոն Գորգիսյանի կարծիքով, ավելացնում է բանակի և այնտեղ տեղի ունեցող գործընթացների նկատմամբ: Այդ պատերազմի հանգամանքներն ուսումնասիրող քննիչ հանձնաժողովի գործունեության մասին ընդդիմադիր պատգամավորը ոչինչ ասել չի կարող, դեռ որևէ նիստ չի կայացել:

«Միակ հարցը, որ «Լուսավոր Հայաստանն» ունի քննիչ հանձնաժողովի հետ կապված, հանձնաժողովի նախագահի հարցն է։ Հանձնաժողովի կանոնակարգը սահմանում է, որ բանակի և անվտանգության հարցերով քննիչ հանձնաժողովը ԱԺ պաշտպանության, անվտանգության և ներքին գործերի հանձնաժողովն է, բայց հստակ չի նշվում, որ հանձնաժողովի նախագահը պետք է ղեկավարի նաև քննիչ հանձնաժողովը: Այստեղ մեր վերապահումը վերաբերվում է ավելի շատ պարոն Քոչարյանի նախկինում երկար տարիներ փորձ ունենալու համակարգում, որովհետև դա ինչ-որ փուլում կարող է մեկնաբանվել ոչ անաչառ տարբեր անձնացն նկատմամբ՝ հաշվի առնելով անցած կապերը, տարիների ուղին»,-ասում է Գևորգ Գորգիսյանը։

Պատգամավորը կարևորում է, որ հանձնաժողովը որևէ փուլում պետք է կասկածի տեղիք չտա, որ անաչառ չի գործում, ուստի ինքն առաջարկել է, որ Անդրանիկ Քոչարյանի փոխարեն Քննիչ հանձնաժողովը ղեկավարի «Իմ քայլը» խմբակցությունից որևէ մեկը։ «Բայց մեր առաջարկը չընդունվեց և մենք աշխատելու ենք այս կազմով»,-ափսոսումէ  ընդդիմադիր պատգամավորը։

Մանրամասները՝ տեսանյութում: