08.11.2026 | 17:40
Երևանում 29-ամյա երիտասարդ է դանակահարվել և մահացել․ կասկածյալը ձերբակալվել է
Ամուլսարի հանքի շահագործման վերաբերյալ փորձաքննության եզրակացությունը 150 էջ է և գտնվում է թարգմանության փուլում. ՔԿ
Հասարակություն
05.06.2019 | 13:53
Շրջակա միջավայրի նախարար Էրիկ Գրիգորյանն այսօր հրավիրված մամուլի ասուլիսի ժամանակ, անդրադառնալով Ամուլսարի ոսկու հանքի շահագործման հետ կապված խնդիրներին, նշեց, որ Ամուլսարի վերաբերյալ նախնական հաշվետվությունը ներկայացվել է քննչական մարմնին, իսկ այդ մարմնից ստացված արդյունքները որոշ մարդկանց համար կլինեն սպասելի, որոշների համար՝ անսպասելի։
Factor.am-ը ՀՀ Քննչական կոմիտեից փորձեց ճշտել՝ երբ կներկայացվեն Քննական մարմնի կողմից սպասված եզրակացության արդյունքները։
Հարցին ի պատասխան Քննչական կոմիտեի տեղեկատվության և հասարակայնության հետ կապերի բաժնի պետ Նաիրա Հարությունյանն ասաց․ «Քննչական կոմիտեն մայիսի 31-ին ստացել է Ամուլսարի ոսկեբեր քվարցիտային հանքի շահագործման նպատակով նշանակված համալիր փորձաքննության՝ ջրային ռեսուրսների և երկրաբանության վրա ազդեցության գնահատման նախնական եզրակացությունը»:
Ըստ Հարությունյանի՝ եզրակացությունը բաղկացած է 150 էջից և այս պահին գտնվում է թարգմանության փուլում:
«Համալիր փորձաքննության եզրակացությունն ամբողջությամբ ՀՀ Քննչական կոմիտեին կտրամադրվի պայմանագրով սահմանված ժամկետում»,-նշեց նա։
