12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Վահե Գրիգորյանը եղել և մնում է ՀՀ նախագահի ներկայացրած թեկնածուն. Նիկոլ Փաշինյան. ՏԵՍԱՆՅՈՒԹ
Հասարակություն
05.06.2019 | 12:26
Վահե Գրիգորյանը Սահմանադրական դատարանի անդամի թեկնածուի կարգավիճակ ստացել է դեռևս 2018 թվականի աշնանը, երբ խորհրդարանում գործում էր բոլորովին այլ մեծամասնություն, և այդ մեծամասնությունն ուղղակի քաղաքական քմահաճույքով մերժել է նախագահի կողմից առաջադրված թեկնածուին: ՀՀ Ազգային ժողովում լրագրողների հետ զրույցում այս մասին ասաց վարչապետ Նիկոլ Փաշինյանը:
«Այսինքն՝ մինչև «Իմ քայլը» դաշինքի համար ընդունելի լինելը Վահե Գրիգորյանը նախորդ գումարման ԱԺ-ին ներկայացվել է ՀՀ նախագահի կողմից՝ նրա կողմից հայտարարված մրցույթում հաղթելու արդյունքում: Եվ, ըստ էության, ստացվել էր մի վիճակ, երբ նախորդ խորհրդարանական մեծամասնությունը մերժել էր ՀՀ նախագահի թեկնածուին և, կարծում եմ, նախագահն առաջնորդվել է այն տրամաբանությամբ, որ պետք է այդ անարդարությունը վերացվի»,- ասաց վարչապետը:
Հարցին՝ կա՞ քաղաքական որոշում, որ Վահե Գրիգորյանը պետք է լինի ՍԴ անդամի թեկնածու, Նիկոլ Փաշինյանը պատասխանեց. «Եթե կա այդպիսի որոշում, այդ որոշումը կայացրել է հանրապետության նախագահը դեռևս 2018 թվականի աշնանը: Ես կարծում եմ՝ Վահե Գրիգորյանն ինչպես եղել է ՀՀ նախագահի թեկնածուն, այնպես էլ մնացել է ՀՀ նախագահի թեկնածուն»:
Մանրամասները՝ տեսանյութում:
