02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Թալանելիս ազգային արժեքների մասին չէի՞ն մտածում. Նիկոլ Փաշինյանը՝ ՀՅԴ-ականներին. ՏԵՍԱՆՅՈՒԹ
Քաղաքականություն
05.06.2019 | 12:19
Ազգային ժողովում լրագրողների հետ զրույցում անդրադառնալով ՀԱԿ ակտիվիստին ծեծելու համար ՀՅԴ-ականների՝ Ոստիկանության բաժանմունք ներկայանալուն՝ վարչապետ Նիկոլ Փաշինյանն ասաց. «Հիմա բանաձև կա՝ ազգային արժեքների համար մարդ ծեծել: Սա ասում են այն ուժերը, ովքեր «ազգային արժեքների» համար 25-30 տարի երկիրը թալանել են: Թալանելիս ազգային արժեքների մասին՝ ոչ մի խոսք»:
Փաշինյանը հայտարարեց, որ «իրենք թալանել են քաղաքացուն, թալանել են բանակը, թալանել են իրավապահ համակարգը, պետական բյուջեն»:
Լրագրողների հստակեցնող հարցին՝ խոսքը Դաշնակցության մասի՞ն է, վարչապետը պատասխանեց. «Խոսքն իշխանության մեջ եղած այն ուժի մասին է, ով ասում է, որ հանուն ազգային արժեքների ես բռնություն եմ կիրառելու: Եթե այդպես է, ապա երեկվա ակցիայից հետո իրավապահ մարմինները պետք է պարզեն՝ ինչ-որ երկու մարդ որոշել են մարդ ծեծել՝ ծեծե՞լ են, թե՞ եղել է հանձնարարական և դա կազմակերպված ակցիա է»:
Ըստ նրա՝ եթե ակցիան կազմակերպված էր, դրա իրավական գնահատականը պետք է փոխվի:
Մանրամասները՝ տեսանյութում:
