08.11.2026 | 20:08
Վայքի և Սիսիանի տարածաշրջաններում ձյուն է տեղում
«Սասնա ծռերի» գործով հարցաքննվում են վկաները
Հասարակություն
05.06.2019 | 11:57
Երևան քաղաքի ընդհանուր իրավասության դատարանի Շենգավիթի նստավայրում, դատավոր Մեսրոպ Մակյանի նախագահությամբ շարունակվում է «Սասնա ծռեր» խմբի տասը անդամի գործով դատական նիստը։
Նշենք, որ անցած նիստին ավարտվեց տուժողների հարցաքննությունը, դատարանն այսօրվանից կլսի վկաների ցուցմունքները:
Այսօրվա նիստին որպես վկա հարցաքննվեց շտապօգնության բժշկուհի Ռուզաննա Մարգարյանը, որը կողմերի հարցերին տալիս էր նույն պատասխանը` չի հիշում, որ առանձնապես ոչինչ չի տեսել: Մարգարյանը դատարանին հայտնեց, որ գնդի տարածք մտնելուց հետո տեսել է, որ ներսում տղամարդու դի է եղել. «Մարմնեղ տղամարդու դի էր։ Աջ կողմի վրա էր: Պատգարակով ներս մտանք, ու իրեն դրեցինք, մի կերպ դուրս բերեցինք»։
Վկան ասաց, որ գնդի տարածքում Վալերի Օսիպյանին չի տեսել, իրենց՝ ՊՊԾ գունդ մտնելու ժամանակ պատանդներ դեռևս չկային։ Այսօրվա դատական նիստին կհարցաքննվեն նաև գործով անցնող այլ վկաներ:
Լիլիթ Շաբոյան
