13.08.2026 | 01:00
ՊՍԺ-ն` Եվրոպայի Սուպերգավաթի հաղթող. ՏԵՍԱՆՅՈՒԹ
Դատական իշխանությունը, այո՛, եղել է գործադիր իշխանության ազդեցության ներքո. Մարդու իրավունքների պաշտպան. ՏԵՍԱՆՅՈՒԹ
Քաղաքականություն
04.06.2019 | 17:19
Ազգային ժողովի «Իմ քայլը» խմբակցության պատգամավոր Արեն Մկրտչյանն այսօր խորհրդարանում Մարդու իրավունքների պաշտպան Արման Թաթոյանից հետարքրքվեց՝ նրա պաշտոնավարման 2016-2018 թթ. ընթացքում արդյո՞ք դատարաններն անկախ են եղել Սերժ Սարգսյանի ազդեցությունից:
Արման Թաթոյանը նշեց, որ իր ելույթում արդեն խոսել է դատական իշխանության անկախության մասին և արձանագրել, որ դատարաններն ունեցել են արտաքին և ներքին ազդեցություններից զերծ մնալու խնդիր։
«Ես իմ ելույթում նշեցի, որ դատարանների հետ կապված մենք ունեցել ենք լուրջ խնդիր՝ դատարանների ներքին և արտաքին անկախության հետ կապված։ Այդ մասին ես նշել եմ և՛ անցյալ տարվա, և՛ 2016 թվականի զեկույցում: Այդ մասին դարձյալ նշում եմ այժմ և պնդում, որ դա չքաղած դասերի հետևանք է։ Մենք ուշադրություն չենք դարձրել դատական իշխանությանը և, այո՛, գործադիր իշխանության ազդեցության ներքո է եղել դատական իշխանությունը, և այս առումով եղել են խնդիրներ»,- նշեց մարդու իրավունքների պաշտպանը։
Արեն Մկրտչյանն Արման Թաթոյանից հետարքրքվեց, թե ինչո՞ւ 6-րդ գումարման Ազգային ժողովում չի հայտարարել, որ դատական համակարգը գործադիր իշխանությունից կախվածության մեջ է եղել։ Ի պատասխան՝ Թաթոյանը պատգամավորին խորհուրդ տվեց ծանոթանալ 2017 թվականի վերաբերյալ իր 2018-ի զեկույցին:
Մանրամասները՝ տեսանյութում։
Աղավնի Սուքիասյան
