09.09.2026 | 21:35
Մեկնարկել է Փաշինյանի և Մակրոնի հանդիպումը
Արման Թաթոյանն ԱԺ-ում ներկայացրեց 2018 թ մարդու իրավունքների մասին տարեկան հաղորդումն ու զեկույցը․ ՏԵՍԱՆՅՈՒԹ
Հասարակություն
04.06.2019 | 16:34
Ազգային ժողովի այսօրվա նիստում ՀՀ մարդու իրավունքների պաշտպան Արման Թաթոյանը ներկայացրեց «2018 թվականի ընթացքում Հայաստանի Հանրապետության մարդու իրավունքների պաշտպանի գործունեության, մարդու իրավունքների և ազատությունների պաշտպանության վիճակի մասին» տարեկան հաղորդում և «Հայաստանի Հանրապետության մարդու իրավունքների պաշտպանի՝ որպես կանխարգելման ազգային մեխանիզմի, 2018 թվականի գործունեության վերաբերյալ» տարեկան զեկույցը։
Ինչպես ներկայացված է զեկույցի ներածության մեջ, Հայաստանում Մարդու իրավունքների պաշտպանի հաստատությունը՝ որպես Օմբուդսմենի ազգային ինստիտուտ և ամենաբարձր «A» կարգավիճակ ունեցող հաստատություն, գործում է փարիզյան և միջազգային սկզբունքներին համապատասխան:
Պաշտպանի ինստիտուտի շարունակական զարգացման մասին են վկայում Պաշտպանին հասցեագրվող բողոքների և դրական լուծում ստացած գործերի աճը, ինչպես նաև միջազգային չափանիշներին համապատասխան օրենսդրական և գործնական երաշխիքները: 2018 թվականին Պաշտպանի ինստիտուտի գործունեությունն իրականացվել է հասարակական կազմակերպությունների, միջազգային գործընկերների և պետական և տեղական ինքնակառավարման մարմինների հետ համագործակցության և իրավունքի
գերակայության սկզբունքի հիման վրա: Մարդու իրավունքների պաշտպանն իրականացնում է իրավունքների երաշխավորման ու պաշտպանության սահմանադրական առաքելություն՝ դրանով իսկ նպաստելով երկրի իրավապաշտպան ողջ համակարգի արդյունավետ աշխատանքին: Սա իր հերթին ենթադրում է, որ Պաշտպանի ուշադրության ներքո գտնվող հիմնարար հարցերից են երկրում տեղի ունեցող ժողովրդավարական զարգացումները:
Մանրամասները՝ տեսանյութում։
