08.06.2026 | 21:59
Վստահ եմ, որ Հայաստանի և Իրանի հարաբերությունները նոր շրջանում էլ կշարունակեն ամրապնդվել. Փեզեշքիան
Նարեկ Սարգսյանի արտահանձնման վերաբերյալ Դատախազությունը պաշտոնական տեղեկություն չունի
Հասարակություն
04.06.2019 | 15:09
Երակվանից հայկական լրատվամիջոցները հղում անելով Չեխական աղբյուրներին հայտարարում են, որ Չեխիան կարող է Հայաստանին արտահանձնել նախկին նախագահ Սերժ Սարգսյանի եղբորորդուն՝ Նարեկ Սարգսյանին:
Ըստ չեխական Tyden պարբերականի, Նարեկ Սարգսյանին արտահանձնման համաձայնություն տվել է դատարանը։ Factor.am-ի հետ զրույցում ՀՀ դատախազության աշխատակազմի հանրային կապերի բաժնի պետ Արևիկ Խաչատրյանն ասաց, որ այս պահին արտահանձնման վերաբերյալ պաշտոնական տեղեկություն չունեն։ Նա հայտնեց, որ դատարանն իրենց միջնորդությունը բավարարել է, սակայն վերջնական որոշում դեռ չկա: Սպասվում է, որ տեղի արդարադատության նախարարը ևս իր տեսակետը հայտնի արտահանձնման վերաբերյալ, որից հետո նոր պարզ կդառնա, կարտահանձնվի՞ Նարեկ Սարգսյանը, թե՝ ոչ:
Նարեկ Սարգսյանը մեղադրվում է ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով։
Լիլիթ Շաբոյան
