Հասարակություն
04.06.2019 | 15:02Արդարադատության նախարար Արտակ Զեյնալյանի համոզմամբ՝ ՀՀ նախագահ Արմեն Սարգսյանի կողմից ՍԴ անդամի համար Վահե Գրիգորյանի թեկնածության առաջադրումն իրավական խնդիր չի առաջացնում։ Այս մասին նախարարը հայտարարեց այսօր խորհրդարանում լրագրողների հետ զրույցում:
«Կարծում եմ՝ սահմանադրական այդպիսի արգելք չէր կարող լինել, որովհետև այն կհակասեր մարդու իրավունքներին»,- ասաց նախարարը:
Ինչ վերաբերում է հնչած տեսակետներին, որ Վահե Գրիգորյանին առաջադրումը ճնշում էր նախագահի ինստիտուտի վրա, նախարարը հակադարձեց. «Ինստիտուտները կարող են միմյանց նկատմամբ ազդեցություն ունենալ՝ տարբեր դրսևորումներով, և այն փափուկ է ու իրավաչափ, հարիր է քաղաքական մշակույթին, եթե այդպիսին գնահատվում է առաջադրված թեկնածուներին դեմ քվեարկելը»։
Factor.am-ը Արտակ Զեյնալյանից նաև հետաքրքրվեց՝ ԲԴԽ-ն ինչ-որ կերպ լուծարելու իրավական հիմքեր կա՞ն, օրենքը նման հնարավորություն տալի՞ս է: «Օրենքով նման լուծարման հնարավորություն չեմ տեսնում: Օրենսդրական նման հիմք չկա»,- ասաց նախարարը:
Մանրամասները՝ տեսանյութում։
Շողիկ Գալստյան
