08.06.2026 | 19:42
Ողջունում ենք, որ Հայաստանում խորհրդարանական ընտրություններն ավարտվեցին խաղաղ և հանգիստ մթնոլորտում․ Թուրքիայի ԱԳՆ
Սամվել Բաբայանի համակիրների միջադեպի գործով երկու անձ կալանավորվել է
Հասարակություն
03.06.2019 | 12:48
Սամվել Բաբայանի համակիրների ուղղությամբ կրակոցներ արձակելու գործով երկու անձ կալանավորվել է։ Նրանք են՝ Արցախի ազատամարտիկներից Վլադիմիր Բալայանի որդին՝ Ալեքսեյ Բալայանը և Քարվաճառի նախկին քաղաքապետ Ռոլանդ Այդինյանը:
Տեղեկությունը Factor.am-ի հետ զրույցում հաստատեց ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը:
Նրանց մեղադրանք է առաջադրվել ապօրինի կերպով զենք-զինամթերք ձեռք բերելու, կրելու կամ փոխադրելու համար, որը կատարվել է մի խումբ անձանց կողմից։
Հիշեցնենք, որ Սամվել Բաբայանի գրասենյակը հայտարարել էր, որ մայիսի լույս 29-ի գիշերը Սևան-Մարտունի ճանապարհին կրակահերթ են արձակել Սամվել Բաբայանի համակիրների ուղղությամբ՝ հիշատակելով Ալեքսեյ Բալայանի և Ռոլանդ Այդինյանի անունները՝ նրանց ներկայացնելով որպես ԱՀ նախկին վարչապետ, այժմ ԱՀ նախագահի թեկնածու, «Ազատ Հայրենիք» կուսակցության նախագահ Արայիկ Հարությունյանի թիմակիցներ:
Լիլի Շաբոյան
