09.09.2026 | 21:35
Մեկնարկել է Փաշինյանի և Մակրոնի հանդիպումը
Դատարանը մերժել է Վահագն Հարությունյանին կալանավորելու քննիչի միջնորդությունը
Հասարակություն
03.06.2019 | 12:08
Երևան քաղաքի ընդհանուր իրավասության դատարանը մերժել է «Մարտի 1»-ի գործով քննչական խմբի նախկին ղեկավար Վահագն Հարությունյանի նկատմամբ կալանավորումը որպես խափանման միջոց կիրառելու մասին քննիչի միջնորդությունը։
Վահագն Հարությունյանը, հիշեցնենք, հետախուզման մեջ է գտնվում, նա մեղադրվում է ապացույցներ կեղծելուն օժանբակելու և պաշտոնեական լիազորությունները չարաշահելու համար։
Վահագն Հարությունյանի պաշտպան Միհրան Պողոսյանը ֆեյսբուքյան իր էջում կատարել է հետևյալ գրառումը․ «Վարչապետի կոչից հետո Հայաստանում սկսում է ձևավորվել դեռ անհատ անկախ դատավորների համայնք, ինչն իր հերթին բերելու է մեծամասամբ անկախ դատական համակարգի կայացմանը: Քիչ առաջ Երևան քաղաքի ընդհանուր իրավասության դատարանը մերժեց քննիչի միջնորդությունը Վահագն Հարությունյանի նկատմամբ կալանավորումը որպես խափանման միջոց կիրառելու մասին։
Հիշեցնեմ, որ նույն դատարանի չագուչով ու պատմուճանով և իրեն դատավոր պատկերացնող Արտուշ Գաբրիելյանը նույն միջնորդությունը, նույն հիմքերով, կեղծիքների միջոցով առանց պաշտպանի ներկայության դեռևս 30.12.2018թ-ին բավարարել էր.. Հ.Գ. Քիչ անց ՀՔԾ-ում N1 է լինելու, կալանավորման վերացական նոր հիմք է հորինվելու ու կրկին են փորձելու․․․»։
Լիլիթ Շաբոյան
