05.02.2026 | 20:53
Հայ վարորդների խնդիրները՝ Սիմոնյան-Մատվիենկո հանդիպման օրակարգում
ՄԻՊ Արման Թաթոյանը ՌԴ դեսպանի հետ քննարկել է Ռուսաստանում բնակվող հայերի իրավունքների հետ կապված հարցեր
Հասարակություն
02.06.2019 | 20:02
Մարդու իրավունքների պաշտպանի աշխատակազմից տեղեկացնում են, որ Արման Թաթոյանն ընդունել է Հայաստանում Ռուսաստանի արտակարգ և լիազոր դեսպան Սերգեյ Կոպիրկինին։
«Հանդիպման ժամանակ կողմերը քննարկել են Ռուսաստանում բնակվող կամ արտագնա աշխատանքի մեկնած ազգաթյամբ հայերի իրավունքների պաշտպանությանն առնչվող խնդիրներ, ինչպես նաև այդ նպատակով երկու երկրների օմբուդսմանների աշխատակազմերի միջև տարածաշրջանային համագործակցության հարցեր։
Նա կարևորել է Ռուսաստանի Դաշնությունում մարդու իրավունքների դաշնային հանձնակատարի հետ բարձր համագործակցությունը, ինչի արդյունքում Ռուսաստանում խնդիրների հանդիպող հայերի հարցերը քննարկման առարկա են դառնում: Արման Թաթոյանն այդ առթիվ իր շնորհակալական խոսքն է փոխանցել նաև ՌԴ դեսպանին:
Հանդիպման ավարտին կողմերը պատրաստակամություն են հայտնել զարգացնել համագործակցությունը մարդու իրավունքների պաշտպանությունն ամրապնդելու նպատակով»,- ասված է հաղորդագրությունում:
