29.06.2026 | 12:03
Նորագյուղում գույքի փոխհատուցման չափը փոխվել է․ սեփականատերն իրավունք ունի ինքն ընտրել գնահատողին․ ՏԵՍԱՆՅՈՒԹ
Լոս Անջելեսում բանկերից 1,5 մլն դոլար հափշտակելու մեղադրանքով 8 հայ է ձերբակալվել
Հասարակություն
02.06.2019 | 15:20
ԱՄՆ Լոս Անջելես քաղաքում մայիսի 30-ի առավոտյան 8 հայ է ձերբակալվել, որոնք հայկական հարյուրավոր անձնագրեր օգտագործելով բանկային հաշիվներ են բացել Bank of America ու Wells Fargo բանկերում և 1,5 մլն դոլար են հափշտակել: Այս մասին ասված է ԱՄՆ ներգաղթի և մաքսային օրենքների պարտադրման բաժնի պաշտոնական կայքում:
Նշվում է, որ ձեռք բերված հայկական անձնագրերի լուսանկարները փոխարինելով՝ դրանք օգտագործել են իրական տերերի անունից բանկային հաշիվներ բացելու համար:
Կեղծարարները բանկային հաշիվներից այլ հաշիվների գումարներ են փոխանցել և Լաս Վեգասի կազինոներում ու այլ վայրերում կանխիկացրել այն:
Մեղադրական եզրակացության մեջ ասվում է, որ ընդհանուր առմամբ 331 հայկական անձնագիր է կեղծվել:
Ձերբակալվածներն են 48-ամյա Արա Մալխասյանը, 38-ամյա Սմբատ Խեչումյանը, 45-ամյա Սվետա Խեչումյանը, 30-ամյա Հարություն Պետրոսյանցը, 34-ամյա Արթուր Հարությունյանը, 38-ամյա Խաչատուր Չոբանյանը, 49-ամյա Ջիվան Հախնազարյանը և 37-ամյա Արման Գրիգորյանը:
Հանցախմբի անդամներին առաջադրված մեղարդանքներով մինչև 30 տարվա ազատազրկում է սպառնում:
