22.04.2026 | 23:30
ՀՀ տարածքում ավտոճանապարհները հիմնականում անցանելի են
Նարեկ Սարգսյանի (Ֆրանկլին Գոնսալես) արտահանձման գործընթացը շարունակվում է․ Դատախազություն
Հասարակություն
31.05.2019 | 15:35
ՀՀ երրորդ նախագահ Սերժ Սարգսյանի եղբոր՝ Ալեքսանդր Սարգսյանի որդին՝ Նարեկ Սարգսյանը, որ հուլիսից գտնվում էր հետախուզման մեջ, դեռևս չի արտահանձնվել հայկական կողմին։
Նրան, հիշեցնենք, իրավապահները հայտնաբերեցին Չեխիայում՝ Ֆրանկլին Գոնսալես անվամբ։ Ըստ որոշ տեղեկությունների՝ նա Չեխիայի իրավապահներից ապաստան է խնդրել։
Դատախազությունից այս հանգամանքը չեն մեկնաբանում։ Իսկ Factor.am-ի այն հարցին, թե ինչ փուլում է արտահանձման գործընթացը, պատասխանեցին, որ միջազգային իրավական փաստաթղթերով սահմանված ընթացակարգերով էքստրադիցիոն գործընթացը շարունակվում է։
Նարեկ Սարգսյանը մեղադրվում է ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով։
Լիլիթ Շաբոյան
