29.06.2026 | 13:37
Ինչո՞ւ եք 4 օր անց արձագանքել ժամը 20-ից հետո ընթացող քվեարկություններին․ ՍԴ դատավորը՝ ԿԸՀ նախագահին․ ՏԵՍԱՆՅՈՒԹ
«Մարտի 1»-ի գործով քննչական խմբի ղեկավարը Վազգեն Ռշտունուն ինքնաբացարկ է հայտնել
Հասարակություն
31.05.2019 | 14:34
Մարտի 1-ի գործով քննչական խմբի ղեկավար Հրաչ Մուշեղյանը ինքնաբացարկի միջնորդություն է ներկայացրել ՀՀ երկրորդ նախագահ Ռոբերտ Քոչարյանի գործով բողոքը քննող, Վերաքննիչ դատարանի դատավոր Վազգեն Ռշտունուն:
Նշենք, որ 2018թ. օգոստոսի 13-ին Վերաքննիչ քրեական դատարանի դատավոր Ալեքսանդր Ազարյանի որոշմամբ Քոչարյանը անձեռնմխելիության հիմքով կալանքից ազատ էր արձակվել, Քոչարյանի պաշտպան Հովհաննես Խուդոյանը դիմել էր վարույթն իրականացնող մարմնին՝ խնդրելով այդ հիմքով Քոչարյանի նկատմամբ քրեական հետապնդումը դադարեցնել։
Քննիչը մերժել էր պաշտպանի միջնորդությունը, ինչից հետո նա դիմել էր Առաջին ատյանի դատարան։ Երևան քաղաքի ընդհանուր իրավասության դատարանի դատավոր Գագիկ Պողոսյանը ապրիլի 12-ին մերժել էր ՀՀ երկրորդ նախագահ Ռոբերտ Քոչարյանի նկատմամբ անձեռնմխելիութան հիմքով քրեական հետապնդումը դադարեցնելու վերաբերյալ պաշտպանական խմբի ներկայացրած բողոքը։ Այս որոշումը Խուդոյանը բողոքարկել էր Վերաքննիչ քրեական դատարանում։ Գործը մակագրվել էր Վազգեն Ռշտունուն, մինչդեռ քնիչի համար ինքնաբացարկի միջնորդության հիմք է դարձել Ռշտունու այն հայտարարությունը, թե Ազարյանի որշման հետ համաձայն է։
Լիլիթ Շաբոյան
