15.10.2026 | 15:50
Ուկրաինայի ՊՆ-ն հայտնել է Starlink համակարգերի աշխատանքի լիովին վերականգնման մասին
Բյուրականում հրդեհաշիջման աշխատանքներում ներգրավված են 17 հիմնական, 1 հատուկ, 7 օժանդակ տեխնիկա և 3 ջրատար՝ հարակից գյուղերից
06.09.2017 | 17:03
Հրդեհաշիջման աշխատանքները Բյուրականի մերձակա բուսածածկ տարածքում բռնկված հրդեհի վայրում չեն դադարեցվել ողջ գիշեր:
Այսօր՝ սեպտեմբերի 6-ին, առավոտյան ժամը 7:30-ի սահմաններում ՀՀ ՊՆ ավիացիայի ուղղաթիռն իրականացրել է հետախուզական թռիչք:
Ժամը 14:00-ի դրությամբ հրդեհաշիջման աշխատանքներին մասնակցում են 146 փրկարար ծառայող, անտառտնտեսության 31 աշխատակից և մերձակա բնակավայրերից մոտ 302 բնակիչ: Աշխատանքներում ներգրավված են 17 հիմնական, 1 հատուկ, 7 օժանդակ տեխնիկա և 3 ջրատար հարակից գյուղերից:
Հիշեցնենք, որ սեպտեմբերի 3-ին, ժամը 15:26-ին ահազանգ է ստացվել, որ Արագածոտնի մարզի Բյուրական գյուղին հարակից սարին՝ անտառում, հրդեհ է բռնկվել:
Տեղում հրդեհաշիջման աշխատանքները ղեկավարում է ՓԾ մարզային փրկարարական վարչության պետ, փ/ծ գնդապետ Ա. Ամիրջանյանը: Նախնական տվյալների համաձայն՝ մոտ 20 հա տարածքում այրվել է բուսածածկ և անտառածածկ տարածք:
