20.04.2026 | 16:10
Ադրբեջանին ռազմավարական գործարք ենք առաջարկել․ Փաշինյան․ ՏԵՍԱՆՅՈՒԹ
Ռոբերտ Քոչարյանի և մյուսների գործը մակագրվել է Վերաքննիչ դատարանի դատավոր Արմեն Դանիելյանին
Հասարակություն
30.05.2019 | 17:04
Երեկ երեկոյան Վերաքննիչ դատարանը ստացել է Ռոբերտ Քոչարյանի և մյուսների գործով նյութերը։ Գործը մակագրվել է դատավոր Արմեն Դանիելյանին:
Լուրը Factor.am-ի հետ զրույցում հաստատեցին վերջինիս գրասենյակից։ Ինքը՝ Արմեն Դանիելյանը, չցանկացավ որևէ մեկնաբանություն տալ՝ պատճառաբանելով, թե «պատեհ պահ չէ»։
Հիշեցնենք, որ երեկ դատավոր Դավիթ Գրիգորյանը ՍԴ-ից պահանջել էր գործի նյութերը`պատճենահանելու և դրանք Վերաքննիչ դատարան ուղարկելու համար:
Նշենք նաև, որ Գլխավոր դատախազությունը բողոքարկել է Քոչարյանին կալանքից ազատելու և գործը ՍԴ ուղարկելու դատարանի որոշումը։ Նիստի օրը դեռևս հայտնի չէ։ Ռոբերտ Քոչարյանի պաշտպանական թիմից Factor.am-ին հայտնեցին, որ գործի մակագրման մասին մամուլից են տեղեկացել, այլ մանրամասներ կհայտնեն առաջիկայում։
Լիլիթ Շաբոյան
