07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Գագիկն ասաց՝ իրեն ոստիկանները չեն խփել, այլ Ծռերը. մահացած ոստիկանի քույր. ՏԵՍԱՆՅՈՒԹ
Հասարակություն
29.05.2019 | 12:08
Այսօր «Սասնա ծռեր» խմբի տասը անդամի գործով դատական նիստին, որպես վկա հարցաքննվեց ՊՊԾ գնդի ներսում վիրավորված և օրեր անց հիվանդանոցում մահացած ոստիկան Գագիկ Մկրտչյանի քույրը`Մերի Մկրտչյանը:
Նա ասաց, որ ինքն առաջին հարցը, որ տվել է Գագիկ Մկրտչյանին, եղել է այն, թե արդյոք իրեն կրակողը ոստիկան է եղել. «Գագիկն ասաց, որ ոչ, ոստիկան չի եղել կրակողը, այլ «Սասնա ծռերի» անդամներից: Գագիկն ասաց, որ կրակոցը շատ մոտիկից է եղել, ասաց թևս պոկվեց, կախվեց: Բերել են կապել են, իսկ հետո երկար ժամանակ անց նոր թողել են դուրս գա»:
Սպանված ոստիկանի քույրը պատմեց, որ այս խոսակցությունը Գագիկ Մկրտչյանի հետ տեղի է ունեցել դեպքից երկու-երեք օր անց. «Բժիշկը մեզ թույլ չէր տալիս շատ խոսել Գագիկի հետ, մենք վստահ էինք, որ նա կլավանա: Այդ օրերին համացանցում, երբ ծռերի նկարներից էին տեղադրում ես իրեն ցույց էի տալիս ու հարցնում նա՞ է, ինքն էլ ասում էր՝ ոչ, հիմա չեմ էլ հիշում, թե ում նկարներն էին դրանք»:
Վարուժան Ավետիսյանը հարցրեց` տեսել է, որ Գագիկ Մկրտչյանին հիվանդանոց այցելած լինի Վալերի Օսիպյանը կամ Ոստիկանության այլ հայտնի աշխատակից: Մահացած ոստիկանի քույրն ասաց, որ ինքը չի տեսել, տեղյակ չէ:
Լիլիթ Շաբոյան
