30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Կա ընտրովի արդարադատություն. Քոչարյանի դեմ գործը ապացույցն է. Հակոբ Տեր-Խաչատուրյան. ՏԵՍԱՆՅՈՒԹ
Քաղաքականություն
28.05.2019 | 11:47
Կարծում եմ՝ մեր մտահոգությունները տեղ հասան: Factor.am-ի հարցին ի պատասխան անդրադառնալով Ազատության հրապարակում կազմակերպված հանրահավաքին և իշխանության «դեղին քարտ» ցույց տալուն՝ ասաց ՀՅԴ Բյուրոյի ներկայացուցիչ Հակոբ Տեր-Խաչատուրյանը:
«Վստահ եմ՝ Դուք էլ ականատես եղաք, որ թեև ասում եք՝ կտրուկ, բայց ամբողջ կոչն այդպիսին չէր: Դրանում կար նաև դրականը, որ մենք բացառում ենք անցյալի վերադարձը, որ այս իշխանության հաջողությունը մեր բոլորի հաջողությունն է, որովհետև պատեհություն ունենք՝ որոշ հոռի բարքեր վերացնելու Հայաստանից: Եվ այդ ուղղությամբ մենք պատրաստ ենք գործակցելու իշխանության հետ»,- ասաց ՀՅԴ ղեկավարը:
Դիտարկմանը՝ այսինքն «կարմիր գիծը», ըստ ՀՅԴ-ի, այսօրվա իշխանությունը դեռ չի անցել, Հակոբ Տեր-Խաչատուրյանն արձագանքեց. «Եթե անցներ, հավանաբար՝ «կարմիր քարտով» հանդես կգայինք: Բայց խնդիրն այն է, որ լրջության ժամանակն է՝ այն իմաստով, որ այս մեկ տարվա ընթացքում ավելի մեծ ակնկալիքներ ուներ ժողովուրդը նոր իշխանությունից»:
ՀՅԴ Բյուրոյի ղեկավարը նաև կարծում է, որ Հայաստանում ընտրովի արդարադատություն կա, և Ռոբերտ Քոչարյանի գործը դրա ցայտուն օրինակն է:
Մանրամասները՝ տեսանյութում:
