14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մեդվեդևը չի բացառել ԵՏՄ-ի ընդլայնումը
Քաղաքականություն
28.05.2019 | 11:06
Ռուսաստանի վարչապետ Դմիտրի Մեդվեդևը հայտարարել է, որ Եվրասիական տնտեսական միության կազմը կարող է ընդլայնվել: ԵՏՄ 5-ամյակի առիթով «Ռոսիա 24»-ին տված հարցազրույցում նա ասել է, որ ԵՏՄ-ն բաց կառույց է:
«Մենք բաց միություն ենք, մենք հիմա նաև դիտորդներ ունենք, հնարավոր է՝ կազմն էլ ընդլայնվի»,- ասել է Դմիտրի Մեդվեդևը:
Նա, միաժամանակ, հավելել է, որ կազմակերպության անդամ երկրները չպետք է հետ մնան համաշխարհային օրակարգից: Մասնավորապես, ըստ ՌԴ կառավարության ղեկավարի, խոսքը թվային տնտեսության, արհեստական ինտելեկտի օգտագործման և այլնի մասին է:
Նշենք, որ նշվում է Եվրասիական տնտեսական միության 5-ամյակը: Այդ առիթով Ղազախստանում կայանալիք հավաքին մասնակցելու նպատակով Նուր-Սուլթան է մեկնում նաև ՀՀ վարչապետ Նիկոլ Փաշինյանը:
