08.06.2026 | 19:42
Ողջունում ենք, որ Հայաստանում խորհրդարանական ընտրություններն ավարտվեցին խաղաղ և հանգիստ մթնոլորտում․ Թուրքիայի ԱԳՆ
Դատախազությունը՝ Միհրան Պողոսյանի՝ քաղաքական ապաստան ստանալու միջնորդության բավարարման մասին
Հասարակություն
27.05.2019 | 13:31
Հայաստանի գլխավոր դատախազությունը ԴԱՀԿ ծառայության նախկին պետ, ԱԺ նախկին պատգամավոր Միհրան Պողոսյանի՝ ՌԴ-ում քաղաքական ապաստան ստանալու միջնորդության բավարարման վերաբերյալ որևէ տեղեկություն չունի։
«Այս պահին մենք որևէ տեղեկություն չունենք․ բավարարվե՞լ է Միհրան Պողոսյանի ներկայացրած միջնորդությունը, թե՝ ոչ, չենք կարող ասել»,-ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
Նշենք, որ ավելի վաղ ռուսական դատարանը բավարարել էր Ռուսաստանի Դաշնության դատախազության միջնորդությունը և Միհրան Պողոսյանին 40 օրով կալանավորելու որոշում ընդունել:
Հիշեցնենք, որ Միհրան Պողոսյանը մեղադրվում է ՀՀ Քրեական օրենսգրքի 179-րդ հոդվածի 3-րդ մասի 1-ին կետով և 308-րդ հոդվածի 2-րդ մասով:
Ըստ մեղադրանքի՝ նա, օգտագործելով պաշտոնեական դիրքը, վատնման եղանակով առանձնապես խոշոր չափերով գույք է հափշտակել և չարաշահել իր պաշտոնեական լիազորությունները, ինչն առաջացրել է ծանր հետևանքներ:
Աղավնի Սուքիասյան
