02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Չհիմնավորված հարստացած ու պատվերով գործ արած մարդկանց նվազագույնը պետք է ասել ցտեսություն․ Դանիել Իոաննիսյան․ ՏԵՍԱՆՅՈՒԹ
Հասարակություն
24.05.2019 | 17:07
Որևիցե մեկի համար գաղտնիք չէ, որ ՀՀ-ում տասնամյակներ շարունակ, ըստ էության, գրեթե չի եղել արդարադատության համակարգ, և սա ասելով ես պետական գաղտնիք չեմ բացահայտում, ուստի հիմա, երբ կա քաղաքական կամք, այդ անարդարությունը վերացնելու ժամանակն է, ինչի համար էլ պետք է բաց չթողնենք դրա համար ստեղծված հնարավորությունը։
Այս մասին այսօր Ազգային ժողովում անցումային արդարադատության թեմայով լսումների ժամանակ ասաց «Իրազեկ քաղաքացիների միավորման» ծրագրերի համակարգող Դանիել Իոաննիսյանը։
«Տարբեր գործիքներով պետք է հասնել նրան, որ անարդարությունների հետևանքները, եթե անգամ չվերացվեն, գոնե նվազագույնի հասցվեն: Բայց հարց է առաջանում, թե ինչպես պետք է ապահովել այդ անցումը և հենց այստեղ է, որ պետք է հիշել, որ այդ հարցում անհրաժեշտ է կիրառել վեթինգը, իսկ առավել երկար ժամանակահատվածի համար՝ դատական բարեփոխումներ»,- ասաց Իոաննիսյանը։
Վերջինիս խոսքով՝ այն մարդիկ, որոնք պատվերով գործեր են արել, մարդկանց ենթարկել քաղաքական հետապնդումների կամ հարստացել՝ չհիմնավորված, այլևս չպետք է կարողանան վճիռներ կայացնել հանուն Հայաստանի։
«Այդ մարդկանց նվազագույնը պետք է ասել, շնորհակալություն, ցտեսություն, ՀՀ-ն այլևս ձեր ծառայությունների կարիքը չունի»,- ասաց Իոաննիսյանը։
Մանրամասները՝ տեսանյութում։
