16.12.2025 | 16:05
Մայր Աթոռի արձագանքը՝ պատարագների ընթացքում կաթողիկոսի անունը զեղչելուն
Պետք է իրականացվի լյուստրացիա՝ այդ թվում քաղաքական, տնտեսական և գործակալական․ Վարուժան Ավետիսյան․ ՏԵՍԱՆՅՈՒԹ
Հասարակություն
24.05.2019 | 16:43
Անցումային արդարադատության իրականացումից առաջ, նախ պետք է տրվի անցյալի և ներկայի իրավաքաղաքական գնահատականը, որից հետո նոր պարզ կլինի, թե ինչ գործիքակազմ կարող է կիրառվել անցումային արդարադատության իրականացման համար։
Այս մասին այսօր Ազգային ժողովում անցումային արդարադատության թեմայով քննարկման ժամանակ ասաց «Սասնա ծռեր» կուսակցության անդամ Վարուժան Ավետիսյանը։
«Մեր կարծիքով՝ անցյալի և ներկայի իրավաքաղաքական գնահատականը հետևյալն է․ դավադիրները, ղեկավարվելով անձնական և կլանային շահերով, համախմբվել են և ստացել օտարի աջակցությունը և զավթել պետությունը։ Նրանք ստանձնել են հանրային պետական օրգանիզմի կառավարումը և սկսել պետությունն իրենց համար ծառայեցնել որպես գործիք, իսկ ազգային շահերի հաշվին սպասարկել են նաև օտարի շահերը»,- ասաց Ավետիսյանը՝ նշելով, որ ցանկալի արդյունքի կարելի է հասնել միայն կատարվածին տրված գնահատականի արդյունքում, իսկ դրանից հետո պետք է իրականացվի անցումային արդարադատությունն իր ամբողջ գործիքակազմով. «Քրեական արդարադատություն և լյուստրացիա՝ այդ թվում քաղաքական, տնտեսական և գործակալական»։
Մանրամասները՝ տեսանյութում։
