02.07.2026 | 18:10
ԵՀ նախագահը մեկնեց Երևանից // Պետական գաղտնիքի հրապարակման գործով գնդապետ է ձերբակալվել․ ԼՈՒՐԵՐ
Լյուստրացիայի և վեթինգի մասին խոսել հնարավոր չէ, քանի դեռ իրավական համակարգին տրված չէ քաղաքական գնահատական․ Անդրիաս Ղուկասյան․ ՏԵՍԱՆՅՈՒԹ
Հասարակություն
24.05.2019 | 15:20
Ես այսօր ամբաստանյալ եմ, մեղադրվում եմ երկու ծանր և երկու առանձնապես ծանր հանցագործությունների մեջ․ մեկ տարի առաջ ՀՀ-ում տեղի ունեցավ հեղափոխություն, իսկ իմ նկատմամբ քրեական հետապնդումը դեռ շարունակվում է, իսկ դա խոսում է այն մասին, որ Հայաստանի իրավապահ համակարգում չկա կամք՝ շինծու քրեական գործերը վերանայելու և պարզ է, թե ինչու չկա, որովհետև տասնյակ մարդիկ պետք է դրա համար պատասխանատվության ենթարկվեն։
Այս մասին այսօր Ազգային ժողովում անցումային արդարադատության թեմայով լսումների ժամանակ ասաց «Հայ կառուցողական կուսակցության» նախագահ Անդրիաս Ղուկասյանը։
Վերջինիս խոսքով՝ դատական համակարգի նկատմամբ հանրության վստահությունը կվերականգնվի, երբ ամբողջ իրավական համակարգում բարեփոխումները տեսանելի լինեն հասարակությանը։
«Քանի դեռ քաղաքական գնահատական չկա, որ երկրում եղել է ռեժիմ, որի պատճառով իրավապահ համակարգը շեղվել է օրինական ճանապարհից… մինչև այս քաղաքական գնահատականը չլինի, դժվար է խոսել վեթինգի և լյուստացիայի մասին»,- ասաց Ղուկասյանը։
Մանրամասները՝ տեսանյութում։
