02.07.2026 | 12:16
ՀՀ-ն կդառնա ԵՄ անդամության կարգավիճակ չունեցող առաջին երկիրը, որի նկատմամբ ԵՄ-ն կկիրառի այս գործիքը․ Փաշինյան․ ՏԵՍԱՆՅՈՒԹ
Անցումային արդարադատությունը տրոյկա դատարանների ձևավորում չէ․ Արարատ Միրզոյան․ ՏԵՍԱՆՅՈՒԹ
Հասարակություն
24.05.2019 | 11:41
Անցումային արդարադատությունը տրոյկա՝ եռյակ, դատարանների ձևավորում չէ, արտակարգ դատարանների ձևավորումը չէ, երբ զանազան մարդիկ կարող են հավաքվել և որոշումներ կայացնել։ Անցումային արդարադատությունը պետք է օրինական ճանապարհով կայացվի, զտի, մաքրի գործող դատական համակարգը։ Սա ամենակարևոր, ամենաէական ուղերձն է, որը պետք է մտքներումս պահենք»,- անցումային արդարադատության թեմայով ԱԺ-ում հրավիրված հանրային լսումների ժամանակ հայտարարեց ԱԺ նախագահ Արարատ Միրզոյանը, նաև պնդելով՝ որևէ մեկի համար գաղտնիք չէ, որ դատական համակարգն ունի տարիներով կուտակված խնդիրներ։
«Մենք պետք է հասկանանք, ի վերջո, դատական համակարգը ներկայացնո՞ւմ է ՀՀ քաղաքացիներին, իրականացնո՞ւմ է նրանց կողմից պատվիրակված լիազորությունները, թե՝ ոչ։ Եթե ոչ՝ ապա արագ պետք է ձևավորել»,- նկատեց խորհրդարանի ղեկավարը:
Արարատ Միրզոյանի ելույթի մի մասն էլ նվիրված էր տնտեսական հանցագործություններին: «Հարցեր են հնչում բազմազան՝ կիրառե՞լ, թե՞ չկիրառել, օրինակ, հարկային համաներում, ինչպիսի՞ մեխանիզմներ սահմանել, որպեսզի մարդիկ, որոնք կարծում են՝ իրենք ապօրինի ճանապարհով են հարստացել, վերադարձնեն իրենց կուտակած հարստությունը պետությանը և գնան ապրեն իրենց հանգիստ կյանքով»,- ասաց ԱԺ նախագահը։
Մանրամասները՝ տեսանյութում:
