11.10.2026 | 14:46
Այսօր աղջիկ երեխաների միջազգային օրն է
Մեզ պաշտպանում է 50 «ախրանա». Դոն Պիպոն՝ իր տանից գտնված զենքերի մասին. ՏԵՍԱՆՅՈՒԹ
Հասարակություն
23.05.2019 | 15:53
Քրեական հեղինակություն Արթուր Ասատրյանը, որ հայտնի է Դոն Պիպո մականվամբ, այսօր լրագրողների հետ զրույցում հրաժարվեց ասել, թե ինչպես է զենք-զինամթերքը հայտնվել Էջմիածնում գտնվող իր տանը:
Հիշեցնենք, որ ԱԱԾ-ն նախորդ տարի աղմկոտ բացահայտում էր արել:
«Այդ տունը հորս տունն է, որտեղ երեք եղբայրով ենք ապրում և ապրում է հիսուն ախրանա, որոնք պահում են մեզ»,- ասաց նա և հրաժարվեց հստակեցնել, թե արդյոք դա «ախրանիկների» զենքերն են եղել:
Հիշեցնենք, որ Արթուր Ասատրյանը կալանավորվել էր 2018թ. հունիսի 19-ին: Նրան մեղադրանք է առաջադրվել ՀՀ քրեական օրենսգրքի 131-րդ հոդվածի 1-ին, 2-րդ, 3-րդ և 6-րդ կետերի («Մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առևանգումը») և 235-րդ հոդվածի 2-րդ մասի («Մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը») հատկանիշներով:
Սեպտեմբերի 20-ին դատարանի որոշմամբ Ասատրյանի խափանման միջոց կալանավորումը փոխվել էր. նա 50 միլիոն դրամ գրավի դիմաց ազատ էր արձակվել:
Նշենք, որ Ասատրյանն առանց վարույթն իրականացնող մարմնի թույլտվության կամ գիտության չի կարող փոխել մշտական բնակության վայրը կամ հատել ՀՀ պետական սահմանը:
Մանրամասները՝ տեսանյութում:
Նարեկ Կիրակոսյան
