12.12.2024 | 15:32
ԼՂ-ից բռնի տեղահանված ՄԿՈւ հաստատությունների սովորողներն ուսման վարձի փոխհատուցում կստանան
Հնարավորինս սեղմ ժամկետներում կստեղծվի ապրիլյան պատերազմի հարցով քննիչ հանձնաժողով․ Լիլիթ Մակունց. ՏԵՍԱՆՅՈՒԹ
Հասարակություն
21.05.2019 | 16:26
Ազգային ժողովում առաջիկայում կստեղծվեն քննիչ հանձնաժողովներ, որոնք կուսումնասիրեն ջրօգտագործման ոլորտում առկա խնդիրները, ինչպես նաև կանդրադառնան 2016 թվականի ապրիլին տեղի ունեցած պատերազմին։ Այս մասին այսօր «Իմ քայլը» խմբակցության փակ նիստից հետո լրագրողներին տեղեկացրեց խմբակցության ղեկավար Լիլիթ Մակունցը։
«Պաշտպանության և անվտանգության հարցերի մշտական հանձնաժողովը լրացուցիչ կտեղեկացնի, թե հանձնաժողովն ինչպես է ձևավորվելու»,- ասաց Մակունցը։
Հարցին՝ ի՞նչ է ուսումնասիրելու այդ հանձնաժողովը, Մակունցն ասաց՝ հենց նախագիծը պատրաստ լինի, այդ ժամանակ հստակ կձևակերպվի ուսումնասիրության առարկան։
Հիշեցնենք՝ երեկ վարչապետ Փաշինյանը հայտարարեց՝ հասունացել է ժամանակը՝ 2016 թվականի ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողով ստեղծելու և բոլորին հուզող մի շարք հարցերի պատասխանները ստանալու համար:
Մանրամասները՝ տեսանյութում։
Շողիկ Գալստյան
