16.01.2026 | 20:45
Եպիսկոպոսը դատի է տվել Մայր Աթոռին, կաթողիկոսը՝ սառեցրել թեմի հաշիվները. ՏԵՍԱՆՅՈՒԹ
Չունեմ տեղեկություններ, որ կան ուժեր, որոնք պատրաստվում են դավաճանական գործողություն իրականացնել. Բակո Սահակյանը՝ Նիկոլ Փաշինյանի հայտարարության մասին. ՏԵՍԱՆՅՈՒԹ
Քաղաքականություն
20.05.2019 | 19:01
Այդ քայլը նպատակ էր հետապնդում թուլացնել լարվածությունը: Մեր միջնորդության մեջ նշված է, որ դա քայլ չէ՝ ուղղված Հայաստանի դատական գործընթացը կասկածի առնելուն: ՀՀ Ազգային ժողովում լրագրողների հետ զրույցում այս մասին ասաց Արցախի նախագահ Բակո Սահակյանը՝ պատասխանելով հարցին, թե ինչո՞ւ է երաշխավորություն ներկայացրել Ռոբերտ Քոչարյանի խափանման միջոց կալանավորումը փոխելու վերաբերյալ:
Factor.am-ի հարցին՝ արդյո՞ք 2008 թվականի Մարտի 1-ին Արցախից Երևան զորք եկել է, Բակո Սահակյանը պատասխանեց. «Այդ մասին մենք բազմաթիվ հայտարարություններ ենք ունեցել: Այս պահին ՀՀ քննչական ծառայությունը քննչական գործողություններ է իրականացնում»:
Դիտարկմանը, որ Նիկոլ Փաշինյանն ասում է՝ կան ուժեր, որոնք փորձում են հողեր հանձնել, պատերազմ հրահրել և ամբողջ պատասխանատվությունը գցել Հայաստանի գործող իշխանության վրա, Բակո Սահակյանն արձագանքեց. «Եթե կան այդպիսի գործիչներ, մենք պարտավոր ենք բացահայտել նրանց, և եթե կան նման նպատակներ, ես էլ եմ դա որակում դավաճանություն: Ես չունեմ այդպիսի տեղեկություններ, որ կան այդպիսի ուժեր, որոնք պատրաստվում են դավաճանական գործողություն իրականացնել»:
Նշենք, որ Բակո Սահակյանն ԱԺ-ում փակ հանդիպման է մասնակցում «Իմ քայլը» խմբակցության պատգամավորների հետ:
Մանրամասները՝ տեսանյութում:
Նարեկ Կիրակոսյան
