14.12.2025 | 17:25
Իրավիճակը ճանապարհներին՝ 17։15-ի դրությամբ
Դատական համակարգի պատասխանը Փաշինյանին. ո՞րն է Քոչարյանի ու մյուսների գործի վարույթի կասեցման պատճառը
Հասարակություն
20.05.2019 | 18:50
Ավան և Նոր Նորք վարչական շրջանների ընդհանուր իրավասության դատարանը կասեցրել է ՀՀ երկրորդ նախագահ Ռոբերտ Քոչարյանի, Անվտանգության խորհրդի նախկին քարտուղար Արմեն Գևորգյանի, ՀՀ պաշտպանության նախկին նախարար Սեյրան Օհանյանի և ՀԱՊԿ գլխավոր շտաբի նախկին պետ Յուրի Խաչատուրովի վերաբերյալ գործի վարույթը։
Գործը քննած դատավոր Դավիթ Գրիգորյանի աշխատակազմի դատական նիստերի քարտուղար Գոռ Վարդանյանից Factor.am-ը տեղեկացավ, որ գործի վարույթի կասեցումը և Սահմանադրական դատարան ուղարկելը նպատակ ունի քննարկման առարկա դարձնել 2 հարց՝ նախագահի անձեռնմխելիության և ՀՀ Քրեական օրենսգրքի 300․1 հոդվածի հարցերը քննարկելու համար։
Հետաքրքրվեցինք՝ ինչ կարող է սա նշանակել, Գոռ Վարդանյանը պատասխանեց, թե գործի ելքից ելնելով ինքը չի կարող մանրամասներ հայտնել։
Հետաքրքրական է, որ ՀՀ Գլխավոր դատախազությունում այս տեղեկության մասին դեռևս տեղյակ չեն։ ՀՀ դատախազության հանրային կապերի բաժնի պետ Արևիկ Խաչատրյանը Factor.am-ին հայտնեց, որ Դատախազությունը պատրաստվում է դատավոր Դավիթ Գրիգորյանին ինքնաբացարկ հայտնելու միջնորդություն ներկայացնել, իսկ գործի վարույթի կասեցման մասով տեղեկություն չունեն։
Ռոբերտ Անանյան
