08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Սա սահմանադրական կարգի տապալում չի. Դավիթ Սանասարյան. ՏԵՍԱՆՅՈՒԹ
Հասարակություն
20.05.2019 | 09:42
Իմ քաղաքացիական քայլն եմ անում: Նիկոլ Փաշինյանի կոչով դատարանների մուտքերը փակելու ակցիային միանալը լրագրողների հետ զրույցում այսպես բացատրեց ՊՎԾ նախկին պետ Դավիթ Սանասարյանը:
«Կարծում եմ՝ սա անմիջականորեն հետհեղափոխական շրջանում կարելի էր անել: Բայց շանս տրվեց, որ դատական համակարգն ընդունի նոր Հայաստանի խաղի կանոնները ու հասկանա, որ այլևս չպետք է այլ տեղերից զանգեր ստանալ, որ պետք է սպասարկեն միմիայն քաղաքացուն ու որոշումները պետք է լինեն հանուն Հայաստանի Հանրապետության, բայց մենք տեսնում ենք, որ այդ համակարգը գրեթե փոփոխություն չկրեց»,- ասաց Սանասարյանը:
Նա հույս հայտնեց, որ հեղափոխությունը կշարունակվի, և կունենանք նաև նոր Հայաստանի դատական համակարգ:
Դավիթ Սանասարյանը չի կարծում, որ սա սահմանադրական կարգի տապալում է. «Նույն ձևով ուրեմն հեղափոխությունն էլ սահմանադրական կարգի տապալում էր»:
Դիտարկմանը, որ նման կարծիքներ էլ են հնչում, նա պատասխանեց. «Նորմալ է: Այդ մարդկանցից շատերն ամենամեծ սահմանադրական կարգը տապալողներն են: Այդ մարդիկ տարիներ շարունակ դատական համակարգը խեղել են ուղղակի»:
Մանրամասները՝ տեսանյութում:
