15.12.2025 | 18:23
Տոկոսների իջեցում ենք պահանջում. Yandex-ի վարորդների բողոքի ակցիան. ՏԵՍԱՆՅՈՒԹ
Բողոքի ակցիա Ազատության հրապարակում՝ ընդդեմ Ռոբերտ Քոչարյանի ազատ արձակման (թարմացվում է)
Հասարակություն
19.05.2019 | 19:09
19:34
Մասնակիցներից մեկը հարթակից դիմեց ՀՀ վարչապետ Նիկոլ Փաշինյանին. «Պարոն վարչապետ, Դուք գրել եք, որ վաղվանից սկսում ենք հեղափոխության երկրորդ փուլը, եկեք այնպես անենք, որ երրորդ փուլի կարիքը չլինի»:
19:21
«Վաղվանից սկսում ենք տոտալ գործողություններ,- հարթակից հայտարարեց ինքնաբուխ հավաքի մասնակիցներից մեկը,- կոչ ենք անում մարզերի մեր համախոհներին ինքնակազմակերպվել ու միանալ գործողություններին»:
Նաև նշվեց, որ ժամը 20:30-ին քայլերթ է իրականավելու:
Ազատության հրապարակում ՀՀ երկրորդ նախագահ Ռոբերտ Քոչարյանի խափանման միջոցը փոխելու և նրան ազատ արձակելու դատարանի որոշման դեմ բողոքի ակցիա է իրականացվում: Ակցիայի մասնակիցները պահանջում են անցումային արդարադատություն:
Նշենք, որ երեկ նույնպես դատարանի որոշման դեմ բողոքի ակցիա է իրականացվել:
Հրապարակում հնչում են երգեր, հիմնականում՝ ազգային ազատագրական։ Ցուցարարները վանկարկում են «Նիկոլ վարչապետ», «Մենք ենք տերը մեր երկրի», «Ռոբիկ մարդասպան»:
Հիշեցնենք, որ ՀՀ 2-րդ նախագահին կալանքից ազատելու երաշխավորությամբ էին հանդես եկել Արցախի ներկա ու նախկին նախագահներ Բակո Սահակյանն ու Արկադի Ղուկասյանը:
Քիչ առաջ հայտարարությամբ հանդես եկավ նաև ՀՀ վարչապետ Նիկոլ Փաշինյանը: «Վաղը ժամը 12:00-ին կհայտարարեմ Հայկական հեղափոխության՝ երկրորդ, ամենակարեւոր փուլի մեկնարկը: Ակնկալում եմ համաժողովրդական աջակցություն»,- ֆեյսբուքի իր էջում գրել է Փաշիանյանը:
