07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Դատարանը բավարարել է Վաչագան Ղազարյանի հայցն՝ ընդդեմ էթիկայի հանձնաժողովի
Հասարակություն
17.05.2019 | 17:06
ՀՀ վարչական դատարանն այսօր բավարարել է ՀՀ 3-րդ նախագահ Սերժ Սարգսյանի թիկնազորի նախկին պետ Վաչագան Ղազարյանի հայցն ընդդեմ Բարձրաստիճան անձանց էթիկայի հանձնաժողովի։
Դատարանը պարտավորեցրել է հանձնաժողովին ոչնչացնել Վաչագան Ղազարյանի և նրա կնոջ 2017 թվականի տարեկան և 2018 թվականի պաշտոնի դադարեցման հայտարարագրերը։
Դատալեսք տեղեկատվական հարթակից տեղեկանում ենք, որ դատական հայցը բավարարելուց զատ դատարանը՝ դատավոր Գևորգ Սոսյանի նախագահությամբ պարտավորեցրել է հանձնաժողովին հօգուտ Վաչագան Ղազարյանի վճարել 4000 դրամ՝ որպես դատական ծախս։
Հիշեցնենք, որ ավելի վաղ դատարանը Վաչագան Ղազարյանի ներկայացրած դատական հայցը վերադարձրել էր՝ հայցադիմումում թույլ տրված սխալները վերացնելու համար։
