29.03.2026 | 22:16
Հրդեհ ավտոմեքենայում․ տուժածներ չկան
Զենքի կիրառումը նախատեսված է եղել ու փետրվարի 23-ից, Մարտի 1-ի դեպքերի ժամանակ մի քանի հարյուր զինծառայող կրակահերթ է արձակել․ մեղադրող դատախազ. ՏԵՍԱՆՅՈՒԹ
Հասարակություն
16.05.2019 | 19:44
Մեղադրող Պետրոս Պետրոսյանը սկսեց ներկայացնել դատախազության առարկությունները Քոչարյանի և նրա պաշտպանների բերած փաստերի առթիվ։
«Պատճառ ու հանգամանք չկա, որ վարույթն իրականացնող մարմինը կարող էր գործին առնչվող որևէ բան թաքցնել»,- ասաց Պետրոս Պետրոսյանը։
Անդրադառնալով Սերժ Սարգսյանի ցուցմունքին՝ մեղադրողն ասաց, որ այդ ցուցմունքը ձեռք է բերվել փետրվար ամսին և գործի նյութերը փետրվար ամսից տրվել են պաշտպանական կողմին, այսինքն՝ այդ ցուցմունքը պաշտպանական կողմին հասանելի է եղել վաղուց։ Դատախազն ասաց, որ պաշտպանական կողմը մեծածավալ մեղադրանքից առանձնացրել է մի քանի դրվագ և փորձ կատարեց դատարանին համոզել, որ դրանց մասին որևէ նյութ առկա չէ: «Մենք մեղադրանք առաջադրելիս հաշվի ենք առել, որ հրավիրվել է խորհրդակցություն հրամանատարական կազմի հետ, և նրանց ասվել է, որ պետք է բանակը բերվի մարտական պատրաստակամության վիճակի։ Խոսքը վերաբերվում է մի վիճակի, երբ ՀՀ-ում քաղաքական գործընթացները ավարտված չեն եղել, և խնդիր է դրվել միջամտել այդ գործընթացներին»,- նշեց դատախազը։
Պետրոս Պետրոսյանը հավելեց․ «Մարտի 1-ի իրադարձությունների ժամանակ անձանց հրահրել են գնալ քաղաքապետարանին հարող տարածք, որտեղ արդեն իսկ տեղակայված էին ԶՈՒ-ի զորքերը»։
Դատախազը նաև ուշագրավ հայտարարություն արեց՝ ասելով, որ անհամաչափ ուժի կիրառումը նախատեսված է եղել դեռևս փետրվարի 23-ից, իսկ Մարտի 1-ի իրադարձությունների ժամանակ մի քանի հարյուր զինծառայող համազարկային կրակ է բացել։
Մանրմասները՝ տեսանյութում։
Լիլիթ Շաբոյան
