09.06.2026 | 00:17
Մարկո Ռուբիոն շնորհավորել է Փաշինյանին
872 վկայից միայն 3 հոգուն եմ բարև-բարլուս ասել․ ո՞ւմ ցուցմունքի վրա կարող եմ ազդել․ Քոչարյան․ ՏԵՍԱՆՅՈՒԹ
Հասարակություն
16.05.2019 | 17:55
«Երևան քաղաքում 2008թ. մարտի 1-ին 20 օրով հայտարարվել է արտակարգ դրություն և ՀՀ-ի 1002 բնակավայրից միայն սահմանափակումներ են մտցվել արտակարգ դրություն հայտարարված տարածքում՝ Երևանում, որը ՀՀ-ի տարածքի ընդամենը 2 տոկոսն է զբաղեցնում, ուստի հիմա հարց է առաջանում՝ ինչպե՞ս են սահմանադրական նորմերը դադարել գործել ամբողջ Հայաստանում․ կարո՞ղ է ինձ ինչ-որ մեկը բացատրել, ես դա չեմ հասկանում»,- այս մասին այսօր դատարանում անդրադառնալով իր մեղադրական եզրակացությանը՝ սահմանադրական կարգը տապալելու դրույթին, ասաց ՀՀ 2-րդ նախագահ Ռոբերտ Քոչարյանը։
«Խոսվում է նաև խոսքի ազատության սահմանափակումների մասին, ՀՀ-ում այդ ժամանակ գործող 32 հեռուստաընկերությունից սահմանափակումների է ենթարկվել միայն 9-ը, մյուսներն աշխատել են առանց որևէ սահմանափակման։ Երևանում մի քանի տասնյակ թերթեր կային և որևէ մեկի գործունեությունը չի սահմանափակվել, ինտերնետի նկատմամբ ևս սահմանափակում չի եղել, իսկ սա նշանակում է, որ խոսքի ազատության սահմանափակումները ՀՀ-ի 1002 բնակավայրից գործել է միայն մեկում՝ Երևան քաղաքում, հետևաբար սա կարելի էր դիտարկել սահմանադրական կարգի խախտում, բայց ոչ թե տապալում»,- ասաց Քոչարյանը։
Քոչարյանը խոսեց նաև մեղադրող կողմի՝ իր կալանավորման հիմքերի և իր կողմից ցուցմունք տվողների վրա ազդեցության մասին։
«Բայց այդ 872 վկայից կա երեք մարդ, որոնց հետ ես բարև-բարլուս եմ ունեցել։ Սա աբսուրդի մի թատրոն է։ Այդ մարդկանցից մեկը Հայկ Հարությունյանն է, որի ցուցմունքի հետ ես համաձայն եմ, մյուսը՝ Վարդան Օսկանյանի ցուցմունքն է, որի հետ ես համաձայն եմ և կա Տիգրան Թորոսյանի ցուցմունքը, որի հետ ես համաձայն եմ։ Ո՞ւմ ցուցմունքը ես պետք է փոխեմ։ Ես քանի ամիս է բանտում նստած եմ, հիմա ինձ ասեք, այդ ո՞ր վկայի վրա կարող եմ ազդել, 80 հատորանոց գործի 90 տոկոսը նրա մասին է, թե Լեոի փողոցի խաչմերուկում ինչ է կատարվում, բայց ես ի՞նչ կապ ունեմ այդ խաչմերուկի հետ»,- ասաց Քոչարյանը։
Մանրամասները՝ տեսանյութում։
