16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Դուք օրենքի նկատմամբ կիրառում եք ստեղծագործական մոտեցում․ Հայկ Ալումյանը՝ դատավորին․ ՏԵՍԱՆՅՈՒԹ
Հասարակություն
16.05.2019 | 14:29
Ռոբերտ Քոչարյանի պաշտպանական խմբի անդամ Հայկ Ալումյանն այսօր դիմելով իր պաշտպանյալի գործով դատավորին, հայտնեց, որ առարկում է դատավորի գործողությունների դեմ։
«Ես առարկում եմ, որովհետև Դուք օրենքի նկատմամբ կիրառում եք ստեղծագործական մոտեցում, ընդ որում, ստեղծագործում եք ընթացքում։ Որևէ տեղ գրված չէ, որ Դուք կարող եք խորհրդակցական սենյակում գնահատել մի նյութ, որը մենք այստեղ չենք կարող խնդրել ներկայացնել․ ո՞վ է ասել, որ, օրինակ, Արշակ Կարապետյանի ցուցմունքը, որի վրա հիմնվում է մեղադրող կողմը, կարող է հետոզոտվել խորհրդակցական սենյակում, չի կարող հետազոտվել այստեղ»,- ասաց Ալումյանը։
Պաշտպանը նաև հարցադրում հնչեցրեց, թե այդ որ կանոնով է դատավորն անցկացնելու այս դատավարությունը, որի հիման վրա էլ այդ ցուցմունքները չեն կարող հետազոտվել։
Ալումյանը նշեց, որ ցանկացած ցուցմունք, որը դատարանը կարող է հետազոտել խորհրդակցական սենյակում, պաշտպանական կողմը կարող է հետազոտել և ներկայացնել նիստերի դահլիճում։
Մանրամասները՝ տեսանյութում։
