08.10.2026 | 18:48
Առանց ակումբի մնացած ամենաթանկ ֆուտբոլիստները՝ ըստ Transfermarkt-ի
Մարդիկ կան, որ մի բանը տասն անգամ պիտի ասենք, որ մտնի․ Քոչարյանը լրացրեց պաշտպանի խոսքը. ՏԵՍԱՆՅՈՒԹ
Հասարակություն
16.05.2019 | 13:47
Քննիչը դատարանում ասել է, որ Ռոբերտ Քոչարյանը շփվում է լրագրողների հետ և խոչընդոտելու դեպքեր չունեն։ Սա ներկայացնում են որպես հիմք, որ խոչընդոտներ Քոչարյանի գործում չկան։ Այսօր դատարանում հայտարարեց Ռոբերտ Քոչարյանի պաշտպաններից Արամ Օրբելյանը։
Օրբելյանի խոսքով՝ կալանավորումները, որոնք կատարվում են ապագայի հետ կապված կասկածների հիման վրա, եթե կան անձը դրական բնութագրող հատկանիշներ, ապա անձին կալանավորելը դիտվում է որպես պատիժ։
Ռոբերտ Քոչարյանը տեղից ավելացրեց, եղել է դեպք, որ մեկ ժամից ավելի սպասել է, որպեսզի քննիչը թուղթ բերի ինքը ստորագրի։ Արամ Օրբելյանը իր ելույթում ասաց, որ բոլոր այն հիմքերը, որոնք բերում է Դատախազությունն ընդդեմ Քոչարյանի, դրանք միջազգային ասպարեզում հօգուտ ամբաստանյալի են օգտագործվում։
Օրբելյանը կրկնեց միտքը, թե Քոչարյանին կալանավորելը անհիմն է, և նա գործի քննությունից չի խուսափել և չի խուսափի։ Դատարանն ասաց, որ այդ միտքը արդեն մի անգամ պաշտպանական թիմն ասել է։ Քոչարյանն էլ արձագանքեց, թե ստիպված են դա անում: «Մարդիկ կան, որ մի բանը մի քանի անգամ պիտի ասենք, որ մտնի»,- ասաց Քոչարյանը։
Մանրամասները՝ տեսանյութում։
Լիլիթ Շաբոյան
