16.01.2026 | 20:45
Եպիսկոպոսը դատի է տվել Մայր Աթոռին, կաթողիկոսը՝ սառեցրել թեմի հաշիվները. ՏԵՍԱՆՅՈՒԹ
Մովսես Հակոբյանի և Սեյրան Օհանյանի ցուցմունքներից հատվածներ մեջբերեց Ռոբերտ Քոչարյանի պաշտպանը
Հասարակություն
15.05.2019 | 18:14
Ռոբերտ Քոչարյանի պաշտպաններից Հայկ Ալումյանն այսօր դատարանում հրապարակեց մի շարք նախկին բարձրաստիճան պաշտոնյաների ցուցմունքներ` այդ թվում և Մովսես Հակոբյանի. «Նախագահ Քոչարյանը զայրացել է Միքայել Հարությունյանի վրա և ասել՝ այդ ի՞նչ նախարար ես, որ տեղակալներիդ գտնվելու վայրի մասին տեղեկություն չունես: Քոչարյանը Լևոն Երանոսյանին հանձնարարեց, որ գնա Մանվել Գրիգորյանին ասի, որ իրերը հավաքի ու… գնա տուն»:
Ըստ Հակոբյանի ցուցմունքի՝ Քոչարյանը ցանկանում էր ողջ ԶՈՒ-ն իրենից լսի, թե ինչպես է պատժվելու այն զինվորականը, որը կփորձի ներքաշվել քաղաքական պրոցեսների մեջ:
Հայկ Ալումյանը ընթերցեց նաև Սեյրան Օհանյանի ցուցմունքից մի հատված: Սեյրան Օհանյանն իր ցուցմունքում մասնավորապես նշել է, որ 2008 թվականի փետրվարի 23-ի խորհրդակցության ընթացքում քննարկվել է ՀՀ զինված ուժերի մարտունակության խնդիրը: «Բոլոր հրահանգները եղել են Զինված ուժերի մարտունակության և զգոնության բարձրացման վերաբերյալ: Նմանատիպ ցուցում տվել է նաև պաշտպանության նախարարը՝ Զինված ուժերի ղեկավարությանը և նրանց ենթակա անմիջական կառույցների հրամանատարներին»,- իր ցուցմունքում նշել է Սեյրան Օհանյանը:
Լիլիթ Շաբոյան
